佢無咩特別好，只係無人取代到佢。
佢從來唔主動搵你，個人又被動又靜，唔識氹你笑、讚你，問佢一句答你一句。你想佢多啲回應你，佢只會好無奈咁同你講佢唔識。你同佢冇乜共同話題；佢鍾意郊外活動，而你鐘意叫喺室內睇書。
你鍾意睇浪漫愛情片，佢就淨係睇恐怖片，不屑於同你睇戲。你希望去旅行嘅時候預早有詳細嘅計劃，可以深度了解一下當地文化同埋歷史；佢就鍾意自由自在，隨心咁去到邊玩到邊。
佢成日同你嗌交，仲會語重心長叫你唔好再咁蠻不講理，收埋你嘅小姐脾氣。你做任何嘅決定都會以佢為先，但佢就決定完再同你講，你睇唔到佢有幾重視你。
終於你哋都知道冇辦法勉強行落去，一直等緊另一個人主動開口。你以為自己可以輕易放低過去，直到佢搵到下一個，你先知道就算佢同你幾唔夾，佢喺你心目中嘅地位從來冇改變過。
街上有100個人，似乎都搵唔到一個人可以取代到佢。 .
.
「永遠孤單也不怕 是否使你驚訝
你到底有什麼好 逼得我念掛
路過的 幾多位都不算差
全城朋友妒忌著我嗎 突然陌生化
我為何留下眼淚 懂嗎」
歌曲：你好嗎
歌手：鄧麗欣
作詞：方杰
作曲：謝國維
#hkword #hkmusic #hkpop #Cantopop #Cantonese #方力申 #鄧麗欣 #好好戀愛 #好心好報 #十分愛 #獨家試愛 #七年 #我的最愛 #同屋主 #分手的情書 #分手的禮貌 #再見不是朋友 #電燈膽 #龍咁威 #失戀日 #紀念日 #空手道 #日久生情 #等你約會我 #你好嗎 #黑白照 #藍鞋子 #親朋密友 #陪著我走
Search